المحبرة والخنجر
يسعد مسائك يالقلم والمحبرة والخنجر القتال
أمانه لاتمانع عاشق أحروفك بحراسي
أنا رهن العيون اللي هدبها منغمس بكحال
تقول من الحوَر دانة تبهر كل غطاسي
أحب الطيب من طيبه واعانق لطمتي بعقال
واشكي جرح أيامي يحاول يخنق أنفاسي
أنا ميال في طبعي على حد السيوف اقتال
وأروى فتـلت اشنابي بدم ومسك في راسي
نقشت اسمي على ذاك الطريق بعالي الأسبال
أموت ولا نسى ذكري وتبقى حبي وناسي
ومن زود الغلا عندي بنينا الرجم والأطلال
بلهفة عاشقين وشوق خايف يقطع لباسي
تصد وتختبر حبي وقاوم دمعها المحتال
وتدلل على قلبي بنظرة غنج تتلاعب بإحساسي
بكت عيني على عيني أتذكر زمان وحال
زمان إحساسنا صادق ابد ما ينوي إتعاسي
طلبت الله يساعدني ويرزقني بطول البال
وأجمل خاطري بالصبر بعده صرت محتاسي
